Vivien Wittwer
Scharleitung
Sit si uf d Welt cho isch, isch si mit debii. Zersch als Baby als Begleitig im Chuchiteam, später als Teilnähmerin und jetz isch si sit em Summer 2019 im Leitigsteam glandet. D'Vivien leitet d' 2.-4. Klässler und isch mitem Livia zäme ider Scharleitig. Bsunders im Lager spöut si sehr gärn belgischs Blinzle, wöume döt so guet cha fätze.
Livia von Arx
Scharleitung
S'Livia isch sit em Lager "Sherlock Holmes" 2022 im Leitigsteam derbii. I üsne Sommerlager macht si gärn Fätzspeli und verbringt am liebste gaanz vöu Zyt mit ihrne Läbensfründe. Ide Gruppestunde unterstützt si sTeam vode 2.-4.Klässler und isch sit 2024 mitem Vivi zäme ider Scharleitig.
-2304x2305-16x16.jpg)
Murielle Dätwyler
Lagerleitung
S'Murielle isch sit em Sommer 2019 em Leitigsteam derbii und hilft bi de Gruppestundeleitig vo de 2.-4. Klässler mit. Wär häts dänkt? Wie so mänge ander au, liebt d Müri s Lagerässe ganz fescht. Zäme mitem Louisa isch si ider Lagerleitig und luegt, dass au dört immer aues rund lauft.
Louisa Klauenbösch
Lagerleitung
S'Louisa isch sitem Lager "Zrugg is 1921" im 2021 als Leiterin mitderbi. Si macht im Lager am Liebste bi de Nachtgländspöu mit, natürli darfs Bettmümpfeli nid fähle. Bi de Gruppestunde leitet si üsi Ältiste und isch usserdem sit 2024 mitem Müri zäme ider Lagerleitig am mitahpacke.
Najma Walker
Kassiererin
S'Najma isch noni so lang Leiterin, nämlich sitem SoLa 2024. Am liebste macht si es guets Gländspeli, vorauem eis mit vöu fätze und isst den zum Znacht au ganz gärn paar Fotzuschnitte. Mitleite duet s Najma i der Gruppestund vo de 5./6. Klässler.
Ayana Walker
Leiterin
D'Ayana isch sit em Sommer 2022 als Leiterin derbi. Bimne Belgische Blinzle oder Werwöufle isch si immer zha. Ehre gfaut ar Jubla am meiste das me nie elei isch und immer tolli Lüt um sich het. Fotzuschnitte mit Öpfumues schmause ist ein Muss:). S`Ayana leitet d Gruppestunde vode 7.-9. Klässler. Ehres Ämtli esch Social Media und PR.
Claudio Heim
Pavillonverwaltung
Dr Claudio isch au eher früsch, sitem SoLa 2024 im Leitigsteam mitderbii. Aues wo mit Sport zdue hed fingt är super und am liebste isst er Fajitas. Mitleite duet är bi öisne Jüngste, de Jublinis.
Sandro Heim
Leiter
Dr Sandro isch debii sit em Traumwelte-Lager 2019. Tatchräftig unterstützt er s Gruppestundeteam vo de Jublinis und planet vou motiviert im Mottoteam mit. Bim British Bulldog-spiele isch er mit voller Liideschaft immer z'vorderscht mit debii und duet am liebste fätze oder sösch es Speli ahrisse.
Maria Heim
Leiterin
S'Maria isch sit em 2022 ir Schar im Leitigsteam aktiv. Ihres Lieblingsässe isch Schlangebrot über em Füür und ide Lager macht ehre "s Fätze" am meiste Spass. Si höuft i de Gruppestunde vo üsne Ältiste und als Ämtli isch si för üses Material zueständig und luegt, dass immer aues suuber verrumet isch.
Mauro Heim
Leiter
Dr Mauro isch ist em Sommer 2021 im Leitigsteam aktiv. Är leitet d Gruppestunde vode Jublinis, isch Teil vom Mottoteam und zumene «Schnägg» seit är au nie nei.
Sven Lötscher
Leiter
Dr Sven isch eine vo de Jüngste i üsem Leitigsteam, nämlich isch er ganz früsch sit dem Lager 2025 derbi. Är macht am liebste der ganz Tag Gländspeli und isst de Zobe gärn e grossi Portion Ghackets mit Hörnli oder Hörnli mit Ghacktem?...Do göi d Meinige usnang...;) Wenn är de so rechtig fein gässe hed, findet er e Casinoobe mit coole Speli am beste. Dr Sven höuft ab dem Johr ide Gruppestunde vo de Jublinis mit.
Lara Lötscher
Leiterin
S'Lara ghört zu eine vo üsne Leiterinne wo sitem "Sherlock Holmes" Lager 2022 im Leitigsteam si. Ehres Lieblingsässe im Lager si definitiv d`Fotzuschnitte, wär hätts dänkt. Au Fätzspelis wie s`belgische Blinzle dörfe für d`Lara nid usegloh wärde und am Obe es gmüetlichs Lagerfüür gfaut ar Lara am beste. Se leitet die chlinste vo üsere Schar nämli d Jublinis. Bis vor churzem hed si üsi Finanze no fest im Griff gha und git das grosse Ämtli jetzt as Najma wiiter.
Noel Wyss
Leiter
Dr Noel oder au Noi ghört zu de Jüngere i üsem Leitigsteam. Är isch nämlich sitem Sola 2024 derbi und leitet sither üsi chliinste, d Jublinis. Wie so die meiste andere au, liebt är d Fotzuschnitte im Lager und isch au immer vou derbi, wenns umnes grosses Gländspeli goth.
Jonas Ammann
Leiter
Dr Jonas isch sitem Sola 2021 Teil vo üsem Leitigsteam. Im Lager isst är am liebste Fotzuschnitte nachemne fätzige British Bulldog. Är planet im Mottoteam d Ahläss mit und leitet d Gruppestunde vo de 2.-4.Klässler.
Elena von Arx
Leiterin
Au s'Elena isch sit em SoLa 2022 im Leitigsteam. Wie chönnts au andersch si au d`Elena fätzt am liebste bimne Belgische Blinzle und gönnt sich 1 oder 2,3,4,.. Fotzuschnitte. S Leitigsteam vode 5.-6. Klässler wird vo ehre onderstötzt. Mitem Ämtli Sponsoring kümmeret si sech regelmässig drum, dass mir üsi coole Ahläss immer chöi finanziere und durefüehre.
Leandro von Arx
Leiter
Dr Leandro isch au eine vo üsne neue Leiter. Är isch nämli sitem Sommer 2025 mitderbi. Zumne Gländspeli wome cha fätze seit är nie nei und scho gar ned, wenns nächer öppis feins z ässe git.;)
Fiona Ackermann
Leiterin
Lena Ackermann
Leiterin
Wie so es paar vo üsne Leiterinne isch au s Lena sitem 2022 im Leitigsteam. Nach de Fätzspeli darf e Fotzuschnitte au bi ihre ned fähle. Du treffsch se be de Gruppestund vo üsne Ältiste und wenn ider Dorfzytig oder sösch nöime, e Bricht über d Jubla Neuedorf lisisch, hed dä sicher au s'Lena gschribe.
Celina Klauenbösch
Leiterin
S'Celina isch scho eini vo de Ältere i üsem Leitigsteam, nämlich isch si scho sitem Sola 2018 derbii. Trotz dene vöune Johr isch si immerno mit Herzbluet vou derbi und leitet d Gruppestunde vo de 5./6.Klässler. Was si bsunders gärn hed si d Schoggibanane am Lagerfüürli.
Michi Zeltner
Leiter
Dr Michi isch sit nachem Lager "Traumwelten" im 2019 derbii. Er leitet gärn mit bi de Gruppestunde vo de 5./6. Klass. Wöu är e chlini Maschine isch, liebt er sowohl British Bulldog als auch aui andere Fätzspielis.
Christoph Zeltner
Leiter
Dr Chregi ghört au zu üsne jüngste Leiter, är isch sitem Sola 2025 im Leitigsteam derbi. Wöu au der Chregi e chlini Maschine isch, so wie si Brüeder, macht är am liebste cooli Fätzspelis oder eifach allgemein aues wo sportlich isch. Wenn är de so richtig hunger het, isst er am liebste Fajitas oder wie aui andere au, es paar feini Fotzuschnitte. Was im Lager füre Chregi aber au nie darf fähle, isch e spannendi Jassrundi i der Nacht mit sine Kollege.;)
Nico Zeltner
Leiter
Dr Nico isch au eher neu, nämlich sitem Sommer 2024 im Leitigsteam derbii. Am liebste goth er is Sommerlager und spielt dört es rechtig fätzigs BelgischsBlinzle. Mitleite duet er ide Gruppestunde vo de 2.-4.Klässler.
Finn Eicher
Leiter
Dr Finn isch au eine vo üsne neue Leiter. Är isch nämlich ganz früsch sitem Sommer 2025 derbi. Am liebste macht er es Belgischs Blinzle oder British Bulldog, wome sich so richtig cha uspowere und de isst er zobe au mou gärn e groossi Pizza oder Ghackets und Hörnli (oder wie au immer;)). Ab dem Johr unterstützt er jetzt au tatchräftig s Gruppestundeteam 5./6.Klass.
Tabea Eichenberger
Leiterin
S'Tabea isch au eini vo üsne neue Leiterinne, sit dem Sommer 2025. Bsunders cool findet se a der Jubla, dass me immer weder neui Lüüt cha lehre kenne unds zäme guet ha. Bimne Belgische Blinzle isch au s'Tabea immer derbi und mitleite duet se ider Gruppestund vo de 2.-4.Klässler.
Rico Sprunger
Leiter
Dr Rico isch au ersch früsch sitem Sola 2025 im Leitigsteam und leitet bi der Gruppestund vode Jublinis mit. Är spöut am liebste British Bulldog und isst nächer au sehr gärn feini Älplermagrone. Är macht sehr gärn Gländspeli, Jasscharte dörfe aber im Lager au nie fähle.
Tamara Muff
Leiterin
Wie chönnts au andersch sii; au üses Tämi liebt d Fotzuschnitte im Lager bsunders. Si isch sit em Sommer 2019 mit debii im Leitigsteam und höuft bi de Leitig vo de Gruppestund 7.-9. Klass mit. Zäme metem Jonas isch si fürs Leitigsteam und üsi Ahläss zueständig und bringt immer gueti Luune.
Jael Nützi
Leiterin
Au s'Jael ghört zu dene Leiterinne wo sitem Lager 2022 derbi si. Ir Jubla isch ihres Lieblingsspiel s`Belgische Blinzle und ehre gfauts mega das me immer Zyt mit ganz vöune tolle Lüüt cha verbringe. Wenn d Chochii im Lager Fotzuschnitte ufe Tisch zauberet seit au d`Jael nie nei:). Mitleite duet si bide Gruppestunde vode Jublinis.
Nina Rytz
Leiterin
S'Nina isch sitem Sommer 2021 im Leitigsteam derbi. D Nachtgländspöu sowie d`SoLa`s und s`Belgische Blinzle findet se bsunders lässig. Nach somene Tag gönnt si sech gärn e Fotzuschnitte, sowie aui andere au;). Du findsch d`Nina be der Gruppestund vo üsne Ältiste.Wenn ergendöbber es Boboli oder es Wehwehli het chund d Nina zum Isatz für s verarzte. Aber au wenns chli Heiweh im Lager oder sösch e Träne isch, ischs Nina mit ihrere liebe Art immer zur Stell.
Tim Rütti
Leiter
Wie rächt vöu vo üsne junge Leiter, isch au der Tim früsch im Leitigsteam, nämlich sit dem Sola 2025. Am coolste fingt er d Scharahläss und Fätzspelis und wenn er de hunger hed, isst er am liebste "aues".;) Der Tim triffsch bi der Gruppestund vo de 2.-4.Klässler.
Nadine Büttiker
Leiterin
S'Nadine übernimmt es bsunders wichtigs Ämtli. Ohni se wördet der aui nämlich gar nie vo üsne coole Ahläss erfahre. Für die duet se nämlich immer d Ihladige gstalte. Si selber isch scho afe chli e aute Haas im Leitigsteam, wöu se isch sit em Johr 2016 im Leitigsteam debii und leitet d Gruppestunde vo de 7.-9. Klass mit. Im Lager hed si Nachtgländspeli underem Sternehimmu bsunders gärn.
Nick Uebelhard
Leiter
Dr Nick isch eine vo üsne neue, junge Leiter, wo sit em Sola 2025 derbi si. Är leitet Gruppestunde vo de 5./6.Klässler und isch immer vougas derbi. Am liebste macht er wie so mänge ander au, Fätzspelis und isst denn au gärn mou es paar Fotzuschnitte zum Znacht.;)
