Leitungsteam Jubla Neuendorf
Bruchsch e kreativi Odere, darfsch di immer a eusi NINA
FLÜCKIGER wände. Si isch sit em Johr 2014 im Leitigsteam au bi de Gruppestunde vo de 5.-6. Klässler esch se immer gärn debi. Wenn si mau nid uf die grossi Lagerwanderige darf
mitgo, ischsi truurig. Bem Plömplöm und em British Bulldog blüeht si richtig uf:D
Se esch zueständig för üse super Jubla-Merch.
sit der Gründig vo eusem Verein im Johr 2016 stoht eus de MATTHIAS VON ARX tatchräftig als PRÄSES zur Siite. Ihm isch bsunders s respektvolle Zämeschaffe ohni Vorurteil wichtig und es macht ehm Spass, e Teil vo üsere kreative und lebensfrohe Gruppe z sii.
s'MURIELLE DÄTWYLER isch sit em Sommer 2019 em Leitigsteam debii und hilft bi de Gruppestundeleitig vo de 2.-4. Klässler mit. wär häts dänkt? wie so mänge ander au, liebt d Müri s Lagerässe au ganz fescht.
Tatkräftig unterschtützt se d Petra ih de Lagerleitig.
Für fast jede Ahlass düset d
ANJA RUCKSTUHL mit ihrem Töffli dure Woufeler-Neuedörfer Wald. Sie isch sit 2014 im Leitigsteam derbii. E feini Fotzuschnitte ghört ber Anja derzue. Am liebste het si so rechtig komplizierti Gländspöu, wo me chli Köpfchen brucht. ;)
Wöu se gern schribt, übernimmt se s Ämtli Dorfzytig. Hesch au scho mau dört drinn öbis über d JuBla gläse? De esch dä Text sicher vor Anja gse.
d' ALINA BUR isch sit 2018 im Leitigsteam vo eusere Schar und leitet bi de 5./6. Klässler mit. Ehre gfallt grundsätzlich alles ir Jubla, vorallem aber macht si bsunders gärn Gländspili i de Nacht im Sommerlager.
Bim Honigbär höuft au d Alina immer gern mit.
Au d`NINA RYTZ isch sitem Sommer 2021 im Leitigsteam derbi. D Nachtgländspöu sowie d`SoLa`s und s`Belgische Blinzle findet se bsunders lässig. Nach somene Tag gönnt si sech gärn e Fotzelschnitte; wie chönts au andersch si. Du findsch d`Nina be der Gruppestund vo de 5.-6.Klass.
Wenn ergendöbber es Boboli oder es Wehwehli het chund d Celina zum isatz für s verarzte. Bsunders im Lager hed si meistens ehri sörige Isätz.
d' CELINA KLAUENBÖSCH isch sit em Sommer 2018 i eusem Leitigsteam und wörkt tatchräftig bi de Gruppestunde vo de Jublinis mit und unterstützt d Scharleitig sit em 2021. Was si bsunders gärn hed si d Schoggibanane am Lagerfüürli.
d`JAEL NÜTZI isch erst sit em 22i im Leitungsteam derbi. Ir Jubla isch ihres Lieblingsspiel s`Belgische Blinzle und ehre gfauts mega das me immer zit mit ganz vilne tolle lüüt cha verbringe. Wenn d Chochii im Lager Fotzuschnitte ufe Tisch zauberet seit au d`Jael nie nei:). Bide Groppestonde vode Jublinis duet si mitleite.
Se het s Ämtli Gschenk und Kärtli. Wenn öber Geburtsag het
oder Hürotet het d Jael immer es Gschenkli parat.
d` MARITA ZELTNER isch sit em Johr 2016 mit im Leitigsteam debii und leitet d Gruppestunde vo de 7.-9. Klasse. Nachemne länge Lagertag freut si sich immer zum go schlofe, dure Lagertag dure macht si aber au gärn bimne fätzige British Bulldog mit.
Zäme med der Livia esch se för d Ehemaligebetreuig zueständig.
de MICHAEL AMMANN isch ersch früsch debii em Leitigsteam und das zwar sit em Summer 2019. Au er hilft bi de Gruppestunde vo de 2.-4. Klässler mit. Bi de Nachtgländspieli im Lager macht er bsunders gärn mit und wär häts dänkt?! Au er liebts, wenns Fotzuschnitte git zum Ässe J
Dr' Tobias Fischer isch sit em 2019 mit derbii i öisem Leitigsteam. Er leitet d'Gruppestund vo de 7.-9. Klass. Er spöut gärn Belgsischs Blenzle und isst ab und zue gruuslige Riis mit Bluet oder isch das eifach rot gfärbti Sauche? Niemert weiss...
d SARA RYTZ isch au eher neu debii und das zwar sit em 2018. Wenn du schomau euse Scharjohresbricht de sogenannti "Honigbär" gseh hesch, d Sara isch bim zämestöue vo dem coole Broschüürli am mithelfe. Sobald eis Sommerlager z Änd isch, freut si sich scho wider uf s Ässe im nöchste Sommerlager. Zäme mit de andere Leiterinne und Leiter hilft si bi de Leitig vo de Gruppestunde vo de 7.-9. Klässler mit.
de MICHI ZELTNER isch au debii als Leiter und zwar sit nachem Lager "Traumwelten" im 2019. Er leitet gärn mit bi de Gruppestunde vo de 2.-4. Klass. Wöu är e chlini Maschine isch, liebt er sowohl British Bulldog als au aui andere Fätzspielis.
Der Michi höuft immer mit bi üsem Honigbär, üsem Johresbricht.
Sit si uf d Welt cho isch, isch d VIVIEN WITTWER mit debii. Zersch als Baby als Begleitig im Chuchiteam, später als Teilnähmer und jetz isch si au scho sit em Summer 2019 im Leitigsteam glandet. D'Vivien leitet d' 2.-4. Klässler. Bsunders im Lager spöut si sehr gärn belgischs Blinzle, wöume döt so guet cha fätze.
Zäme mit dr Celina esch se im Scharleitigsteam und luegt, dass es üsere Schar gute geit.
d' NADINE BÜTTIKER übernimmt zäme mit em Tobi es bsunders wichtigs Ämtli. Nemlich Material. Si selber isch sit em Johr 2016 im Leitigsteam debii und leitet d Gruppestunde vo de 7.-9. Klass mit. Im Lager hed si Nachtgländspieli underem Sternehimmel bsunders gärn.
Wie chönnts au andersch sii; au s
TAMARA MUFF liebt d Fotzuschnitte im Lager bsunders. Si isch sit em Sommer 2019 mit debii im Leitigsteam und
höuft bi de Leitig vo de Gruppestund 2.-4. Klass mit.
Zäme med de Nina.F esch se för üse Jubla-Merch zueständig.
dr SANDRO HEIM isch debii sit em Traumwelte-Lager 2019. Tatchräftig unterstützt er s Gruppestundeteam 7.-9. Klass, är isch au Expert für d Verwaltig und Instandhaltig vo eusem Pavillon. Bim British Bulldog-spiele isch er mit voller Liideschaft immer z'vorderscht mit debii.
d PETRA MÜLLER isch au bereits scho sit em Johr 2016 debii und isch zäme mit dr Murielle üsi bombastitischii Lagerleitig. Au bi de Gruppestunde vo de 7.-9. Klass isch si immer derbi. Wennmer mau es spieli im Dunkle mache, isch si als Sardindli unuffindbar.
d`LOUISA KLAUENBÖSCH
isch sitem Lager "Zrugg is 1921" als Leiterin mitderbi. Si macht im Lager am Liebste bi de Nachtgländspöu mit,
natürli darfs Bettmümpfeli nid fehle. Bi de Gruppestunde esch se bi de 2.-4.Klass als Leiterin derbi. Bechunsch du au
öbbe e Iladig zumne Scharanlass, Lager oder Pfila? De hesch du sicher d Iladigsschriberkünscht vo de Louisa scho gseh.
Dr`MAURO HEIM isch ist em Sommer 2021 im Leitigsteam aktiv. Är leitet d Gruppestunde bi de 5./6. Klässler
und bimene «Schnägg» isch är immer derbi.
Au üsi ELENA VON ARX isch sit em SoLA 2022 mit im Leitungsteam vor JuBla Neuendorf. Wie chönnts au andersch si au d`Elena fätzt am liebste bimse Belgische Blinzle und gönnt sich 1 oder 2,3,4,5,.. Fotzuschnitte. S Leitigsteam vode 5.-6. Klässler wärde vo ehre onderstötzt.
Zäme medem Jonas übernimmt se s Ämtli Sponsoring.
S`LENA ACKERMANN isch sit em SoLa 2022 mit derbii im Leitigsteam. Nach de Fätzspeli darf e Fotzelschnitte nid fähle. Du treffsch se be de Gruppestund vo de Jublinis ah :)
D`Lena luegt das mer au Online guet verträtte si und hilft bim Ämtli Social Media.
d`AYANA WALKER isch sit em Sommer 2022 debi. Bimne Belgische Blinzle oder Werwöufle isch si immer zha. Ehre gfaut ar JuBla am meiste das me nie elei isch und immer tolli Lüt um sich het. Fotzuschnitte mit Öpfumues schmause ist ein muss:). D`Ayana leitet d Gruppestunde vode 5.-6. Klässler.
Ehres Ämtli esch Social Media. Zudem luegt se das üsi Website immer aktuell und ufem neuste Stand esch.
D` LARA LÖTSCHER ghört au zu üsne jüngste Leiter wo sit em Sommer 2022 debi si. Ehres Lieblingsässe im Lager si definitiv d`Fotzelschnitte. Au fätzspelis wie s`belgische Blinzle dörfe für d`Lara nid usegloh wärde und am obig es gmüetlichs Lagerfüür gfaue ar Lara am beste. Se leitet die chlinste vo Über Schar nämli üsi Jublinis.
D Lara het üsi Finanze im Griff und luegt das aus rächt zue und här goht.
D`LIVIA VON ARX isch sit em Lager "Sherlock Holmes" im Leitigsteam aktiv. Üse absolut Klassiker die beliebte "Fotzuschnitte" het au d`Livia am liebste. I üsne Sommerlager macht si gern Fätzspeli und verbringt gern zit mit de Gspändli und lacht viel:). Ide Gruppestunde unterstützt sie Team vode Jublinis. D Livia het s Ämtli Ehemaligebetreuig.
D` MARIA HEIM isch sit em 2022 ir Schar im Leitigsteam aktiv. Ihres Lieblingsässe isch Schlangebrot über em Füür. Im Lager macht ehre "s Fätze" am meiste Spass. Bide Gruppestund vode 7.-9. Klässler esch se debi.
Se höuft mit be der Pavillon-Verwaltig und luegt das aues suber esch.
Dr`JONAS AMMANN isch noni so e alte Haas im Leitigsteam, nämli sit em 2021 isch är Leiter vor JuBla. Im Lager isst är am liebste Fotzelschnitee nach eme British Bulldog. Är übernimmt zäme mit de Elena s'Ämtli Sponsoring und leitet d Grustu vode 2.-4. Klässler.