Leitungsteam Jubla Neuendorf
Meischtens mit ehrem Töffli durchquert si fasch für jede Alass de neuedörfer/woufeler Wald - d' ANJA RUCKSTUHL isch sit em Johr 2014 Leiterin i eusere Schar und en ehemaligi Scharleiterin. Au d Gruppestund vo de Jublinis leitet si tatkräftig. Si findet s' Beschte ar Jubla isch s'dräckig wärde.
Bruchsch e kreativi Odere, darfsch di immer a eusi NINA FLÜCKIGER wände. Si isch sit em Johr 2014 im Leitigsteam und nebscht de Lagerorganisation ischsi au bi de Gruppestunde vo de 5.-6. Klässler immer gärn debi. Wenn si mau nid uf die grossi Lagerwanderige darf mitgo, ischsi truurig. Bem Plömplöm und em British Bulldog blüeht si richtig uf J
s'MURIELLE DÄTWYLER isch sit em Sommer 2019 em Leitigsteam debii und hilft bi de Gruppestundeleitig vo de 2.-4. Klässler mit. wär häts dänkt? wie so mänge ander au, liebt d Müri s Lagerässe au ganz fescht. Bechunsch du au öbbe e Iladig zumne Scharanlass, Lager oder Pfila? De hesch du sicher d Iladigsschriberkünscht vo de Müri scho gseh.
sit der Gründig vo eusem Verein im Johr 2016 stoht eus de MATTHIAS VON ARX tatchräftig als PRÄSES zur Siite. Ihm isch bsunders s respektvolle Zämeschaffe ohni Vorurteil wichtig und es macht ehm Spass, e Teil vo üsere kreative und lebensfrohe Gruppe z sii.
d' ALINA BUR isch sit 2018 im Leitigsteam vo eusere Schar und leitet bi de 5./6. Klässler mit. Ehre gfallt grundsätzlich alles ir Jubla, vorallem aber macht si bsunders gärn Gländspili i de Nacht im Sommerlager.
Au d`NINA RYTZ isch sit letztem Sommer auso 2021 im Leitigsteam derbi. D Nachtgländspil sowie d' SoLa`s und s`Belgische Blinzle findet s Nina bsunders lässig. Und nach sonem Tag gönnt si sech gärn e Fotzelschnitte, wie chönnts nid andersch si. Du fingsch se be de Gruppestund vo de 5.-6. Klässler.
d' CELINA KLAUENBÖSCH isch sit em Sommer 2018 i eusem Leitigsteam und wörkt tatchräftig bi de Gruppestunde vo de Jublinis mit und unterstützt d Scharleitig sit em 2021. Wenn ergendöbber es Boboli oder es Wehwehli het chund d Celina zum isatz für s verarzte. Bsunders im Lager hed si meistens ehri sörige Isätz. Was si bsunders gärn hed si d Schoggibanane am Lagerfüürli.
d`JAEL NÜTZI isch erst sit kurzem im Leitungsteam derbi. Ir Jubla isch ihres Lieblingsspiel s`Belgische Blinzle und ehre gfauts mega das me immer zit mit ganz vilne tolle lüüt cha verbringe. Wenn d Chochii im Lager Fotzuschnitte ufe Tisch zauberet seit au d`Jael nie nei:). Bide Groppestonde vode Jublinis Klässler duet si mitleite.
d` MARITA ZELTNER isch zäme mit dr Celina im Scharleitigsteam und luege dass üsere Schar gute geit. Si isch sit em Johr 2016 mit im Leitigsteam debii und leitet d Gruppestunde vo de 7.-9. Klasse. Nachemne länge Lagertag freut si sich immer zum go schlofe, dure Lagertag dure macht si aber au gärn bimne fätzige British Bulldog mit.
de MICHAEL AMMANN isch ersch früsch debii em Leitigsteam und das zwar sit em Summer 2019. Au er hilft bi de Gruppestunde vo de 2.-4. Klässler mit. Är übernimmt aus Ämtli PR. Bi de Nachtgländspieli im Lager macht er bsunders gärn mit und wär häts dänkt?! Au er liebts, wenns Fotzuschnitte git zum Ässe J
Dr' Tobias Fischer isch sit em 2019 mit derbii i öisem Leitigsteam. Er leitet d'Gruppestund vo de 7.-9. Klass. Er spöut gärn Belgsischs Blenzle und isst am und zue gruslige Riis mit Bluet oder isch das eifach rot gfärbti Sauche? Niemert weiss...
d SARA RYTZ isch au eher neu debii und das zwar sit em 2018. Wenn du schomau euse Scharjohresbricht de sogenannti "Honigbär" gseh hesch, d Sara isch bim zämestöue vo dem coole Broschüürli am mithelfe. Sobald eis Sommerlager z Änd isch, freut si sich scho wider uf s Ässe im nöchste Sommerlager. Zäme mit de andere Leiterinne und Leiter hilft si bi de Leitig vo de Gruppestunde vo de 7.-9. Klässler mit.
de MICHI ZELTNER isch au debii als Leiter und zwar sit nachem Lager "Traumwelten" im 2019. Er leitet gärn mit bi de Gruppestunde vo de 2.-4. Klass. Wöu är e chlini Maschine isch, liebt er sowohl British Bulldog als au aui andere Fätzspielis.
d PETRA MÜLLER isch au bereits scho sit em Johr 2016 debii und isch zäme mit dr Ninii üsi bombastitischii Lagerleitig. Au bi de Gruppestunde vo de 7.-9. Klass isch si immer derbi. Wennmer mau es spieli im Dunkle mache, isch si als Sardindli unuffindbar.
d' NADINE BÜTTIKER übernimmt zäme mit em Tobi es bsunders wichtigs Ämtli. Nemlich ohni Sponsoring, wörde mer nie so cooli Sommerlager chöne durefüehre. Si selber isch sit em Johr 2016 im Leitigsteam debii und leitet d Gruppestunde vo de 7.-9. Klass mit. Im Lager hed si Nachtgländspieli underem Sternehimmel bsunders gärn.
Wie chönnts au andersch sii; au s
TAMARA MUFF liebt d Fotzuschnitte im Lager bsunders. Si isch sit em Sommer 2019 mit debii im Leitigsteam und
höuft bi de Leitig vo de Gruppestund 2.-4. Klass mit.
dr SANDRO HEIM isch debii sit em Traumwelte-Lager 2019. Tatchräftig unterstützt er s Gruppestundeteam 7.-9. Klass, är isch au Expert für d Verwaltig und Instandhaltig vo eusem Pavillon. Bim British Bulldog-spiele isch er mit voller Liideschaft immer z'vorderscht mit debii.
Sit si uf d Welt cho isch, isch d VIVIEN WITTWER mit debii. Zersch als Baby als Begleitig im Chuchiteam, später als Teilnähmer und jetz ischsi au scho sit em Summer 2019 im Leitigsteam glandet. D'Vivien leitet d' 2.-4. Klässler. Bsunders im Lager spöut si sehr gärn belgischs Blinzle, wöume döt so guet cha fätze.
d`LOUISA KLAUENBÖSCH isch sit em
Lager « Zrugg is 1921» als Leiter mitderbi. Si macht im Lager am liebste bi de Nachtgländspeli mit, natürli darfs Bettmümpfeli nid fehle Bi de Gruppestunde isch si bi de 2.-4. Klass als Leiterin
derbi.
Dr`MAURO HEIM isch ist em Sommer 2021 im Leitigsteam aktiv. Är leitet d Gruppestunde bi de 5./6. Klässler und bimene «Schnägg» isch är immer derbi.
Au üsi ELENA VON ARX isch sit em SoLA 2022 mit im Leitungsteam vor JuBla Neuendorf. Wie chönnts au andersch si au d`Elena fätzt am liebste bimse Belgische Blinzle und gönnt sich 1 oder 2,3,4,5,.. Fotzuschnitte. S Leitigsteam vode 5.-6. Klässler wärde vo ehre onderstötzt.
S`LENA ACKERMANN isch sit em SoLa 2022 mit derbii im Leitigsteam. Nach de Fätzspeli darf e Fotzelschnitte nid fähle. Du treffsch se be de Gruppestund vo de Jublinis ah :)
d`AYANA WALKER isch sit em Sommer 2022 debi. Bimne Belgische Blinzle oder Werwöufle isch si immer debi. Ehre gfaut ar JuBla am meiste das me nie elei isch und immer tolle lüt um sich het. Zäme Fotzuschnitte mit Öpfumues schmause ist ein muss:). D`Ayana leitet d Gruppestunde vode 5.-6. Klässler.
D` LARA LÖTSCHER ghört au zu üsne jüngste Leiter wo sit em Sommer 2022 debi si. Ehres Lieblingsässe im Lager si definitiv d`fotzelschnitte. Au fätzspelis wie s`belgische Blinzle dörfe für d`Lara nid usegloh wärde und am obig es gmüetlichs Lagerfüür gfaue ar Lara am beste. Se leitet die chlinste vo Über Schar nämli üsi Jublinis.
D`LIVIA VON ARX isch sit em Lager "Sherlock Holmes" im Leitigsteam aktiv. Üse absolut Klassiker die beliebte "Fotzuschnitte" het au d`Livia am liebste. I üsne Sommerlager macht si gern Fätzspeli und verbringt gern zit mit de Gspändli und lacht viel:). Ide Gruppestunde unterstützt sie Team vode Jublinis.
D` MARIA HEIM isch sit em 2022 ir Schar im Leitigsteam aktiv. Ihres Lieblingsässe isch Schlangebrot über em Füür. Im Lager macht ehre "s Fätze" am meiste Spass. Bide Gruppestund vode 7.-9. Klässler esch se debi.
Dr`JONAS AMMANN isch noni so e alte Haas im Leitigsteam, nämli sit em 2021 isch är Leiter vor JuBla. Im Lager isst är liebste Fotzelschnitee nach eine British Bulldog. Är übernimmt zäme mit de Elena s'Ämtli Sponsoring und leitet d Grustu vode 2.-4. Klässler.